Ita-type ko rin pala

Kung kelan isa nalang, tsaka ayaw ko na. Curly tops lang to; isang subo tapos. Kaso lang ayaw ko na. Ayoko na talaga. Kakaiba ang gabing 'to. Nasusura ako sa mga bagay na karaniwang gustung-gusto ko naman. Una, etong tsokolate, tapos yung internet at kompyuter. Nakatiklop ang laptop ko. Sawang-sawa ako ngayon sa kompyuter, pero halos hindi ko na alam kung pa'no maglibang nang hindi nag pe-facebook, nagta-tumblr, nagi-spider solitaire o kaya nagsi-Sims. Buti nalang pagkabuklat ko ng libro ko sa Plant Systematics saktong may papel. Iba parin pala talaga ang pakiramdam ng pagsusulat sa pagta-type - parang mas makahulugan ang nililikha ko,mas ramdam ang pagtapon ng mga ideya: itim na tinta sa dilaw na espasyo, kay ganda.

Mas ramdam ko rin ang pagkasabik sa pagtunog ng telepono. Minsan nakakaaliw din palang mag-antay, at malungkot. Alam mo kayang inaantay kita? Sana hindi. Para pwede pa akong umasang kung alam mo, hindi mo na ako pagaantayin pa...

Itatapon ko na 'tong tsokalate kasi nilalanggam na.